Өзбекстан Республикасының Президенті Шавкат Мирзиёев 30 желтоқсан күні Қазақстан Республикасының Тұңғыш Президенті Нұрсұлтан Назарбаевпен телефон арқылы сөйлесті.

Мемлекет басшысы мен Қазақстанның Тұңғыш Президенті бір-бірін Жаңа жылмен шын жүректен құттықтап, бауырлас халықтарға бейбітшілік пен өркендеу тіледі.

Өзбекстан мен Қазақстан арасындағы тату көршілік, стратегиялық әріптестік пен одақтастық байланыстардың жоғары деңгейге жеткені және көпқырлы ынтымақтастықтың барлық бағыттарда қарқынды дамып келе жатқаны атап өтілді.