Өзбекстан Республикасының Президенті Шавкат Мирзиёевтің Біріккен Араб Әмірліктерінің Вице-Президенті шейх Мансур Әл Нахаянмен телефон арқылы сөйлесуінде кең ауқымды ынтымақтастықты одан әрі дамыту және Әмірліктердің жетекші компанияларының қатысуымен ірі инвестициялық жобаларды жүзеге асыру мәселелері талқыланды.

Шейх Мансур Әл Нахаян Өзбекстан басшысын сайлаудағы сенімді жеңісімен құттықтап, халқымызға бақ-береке мен гүлдену тіледі. Ол сондай-ақ БАӘ Президенті шейх Мұхаммед Әл Нахайянның сәлемі мен ізгі тілегін жеткізді.

Екіжақты қарым-қатынастың өзекті мәселелері талқыланды. Екі ел арасындағы сауда-саттықтың, бірлескен кәсіпорындардың өсу қарқыны және әуе рейстерінің саны артып келе жатқаны атап өтілді.

Бүгінгі таңда инвестициялық жобалар портфелі 4 миллиард доллардан асады және «жасыл» энергетика, ауыл шаруашылығы, көлік-логистика, туризм инфрақұрылымы және басқа да салаларды қамтиды.

БАӘ тарапы Өзбекстан Республикасы аумағында әлеуметтік маңызды бағдарламаларды жүзеге асыруда техникалық көмек көрсетуде.

Сұхбат барысында жоғары деңгейдегі белсенді диалогты жалғастырудың, сауда-экономикалық, инвестициялық және гуманитарлық ынтымақтастықтың ауқымды жобаларын ілгерілетудің маңыздылығы атап өтілді.