Өзбекстан Республикасының Президенті Шавкат Мирзиёев Баку қаласында Жаһандық өзгерістер институты төрағасы Тони Блэрмен кездесті.

Кездесу барысында Өзбекстан-Британия арасындағы қатынастарды одан әрі дамыту перспективалары, сондай-ақ Тони Блэр жетекшілік ететін Жаһандық өзгерістер институтымен практикалық ынтымақтастықты жолға қою мәселелері талқыланды.

Бұрынғы премьер-министр, Жаңа Өзбекстанда жүргізіліп жатқан кең ауқымды және артқа қайтпайтын реформалар бағдарламасын жоғары бағалап, олардың жүзеге асырылуына сарапшылық кеңес көрсетуге дайын екенін мәлімдеді.

Институтпен бірге көлік дәліздерін дамыту, жаңа нарықтарға шығу, халықаралық төлем жүйелерін енгізу, инвестициялық саясаттың тиімділігін арттыру және басқа да салалар ынтымақтастықтың басым бағыттары ретінде белгіленді.

Серіктестік бағыттарын нақтылау үшін тиісті органдардың сарапшылары деңгейінде қосымша кездесулер өткізу туралы келісілді.