Өзбекстан Республикасының Президенті Шавкат Мирзиёев ресми сапар аясында Иран Ислам Республикасының Жоғарғы діни жетекшісі Аятолла Сайед Әли Хаменеимен кездесті.

Мемлекет басшысы Өзбекстан делегациясын Иран жерінде жылы қарсы алғаны және көрсеткен қонақжайлылығы үшін ризашылығын білдірді.

Достық сұхбат барысында тараптар екіжақты қарым-қатынастарды дамыту мен нығайтуға ерекше назар аударып, Өзбекстан мен Иран арасындағы жан-жақты ынтымақтастықты одан әрі кеңейту бойынша жоспарланған шараларды талқылады.

Сан ғасырлар бойы халықтарымызды мәдени-тарихи ортақтық байланыстырып келгені ерекше атап өтілді.

Өзара диалогтың жанданып келе жатқаны сөз болып, келешегі зор бірлескен жобалар мен бағдарламаларды жүзеге асыру қажеттігі айтылды.

Сауда, инновациялар мен жоғары технологиялар, инвестициялар, өнеркәсіптік кооперация, көлік және коммуникациялар, туризм және мәдени-гуманитарлық алмасу сияқты салалардағы ынтымақтастықты кеңейту бойынша практикалық жұмыстар жүргізіліп жатқаны атап өтілді.

Өңірлік күн тәртібіндегі өзекті мәселелер бойынша пікір алмасылды.

Кездесу достық әрі сенімді, сындарлы диалог рухында өтті.