Мурожаатномада Президентимиз “Афсуски, жамиятимизда коррупция иллати ўзининг турли кўринишлари билан тараққиётимизга ғов бўлмоқда. Бу ёвуз балонинг олдини олмасак ҳақиқий ишбилармонлик ва инвестиция муҳитини яратиб бўлмайди. Умуман жамиятнинг бирорта тармоғи ривожланмайди. Тадбиркорлар ҳанузгача ер ажратиш, кадастр қурилиш, лицензия ва божхона, банк, давлат харидлари каби соҳаларда коррупцияга дуч келяпти. Президент номига келиб тушаётган кўплаб мурожаатлар ҳам, матбуот ва ижтимоий тармоқлардаги чиқишлар ҳам яққол кўрсатиб турибди. Коррупцияга қарши курашишда аҳолининг барча қатламлари, энг яхши мутахассислар жалб қилинмас экан жамиятимизнинг барча аъзолари, таъбир жоиз бўлса, “ҳалоллик вацинаси“ билан эмланмас экан, ўз олдимизга қўйган юксак марраларга эриша олмаймиз”, деди.