Президент Шавкат Мирзияевтың сұхбаты 17 тамызда «Жаңа Өзбекстан» газетінде жарияланады.

Бұл туралы бүгінгі өткен брифингте Өзбекстан Республикасы Президентінің баспасөз хатшысы Шерзод Асадов мәлімдеді. 

«Жаңа Өзбекстан» газетінің бас редакторы Салим Дониоровпен болған бұл сұхбатта Өзбекстанның соңғы 5 жылдағы даму жолы, ішкі және сыртқы саясаты, қазіргі басым бағыттар жөнінде әңгіме айтылған.

- Бұл әңгіме өзінің жан -жақтылығымен, көп факттілігі және бағдарламалық маңыздылығымен барлық отандастарымызбен қатар шетелдік сарапшылардың да үлкен қызығушылығына ие болатынына сенімдімін, - деді Шерзод Асадов.

Естеріңізге сала кетейік, Президент Шавкат Мирзияев шетелдік БАҚ-қа алғаш рет 2017 жылы 22-23 наурызда Қазақстан Республикасына мемлекеттік сапары қарсаңында «ҚазАқпарат» тілшісіне эксклюзивті сұхбат берген болатын.