25 қазанда Өзбекстан Республикасы Президенті Шавкат Мирзияев ТМД бақылаушылар миссиясының жетекшісі ТМД Атқару комитетінің төрағасы - атқарушы хатшысы Сергей Лебедевті қабылдады.

Кездесу басында ТМД Атқару комитетінің төрағасы Мемлекет басшысын Өзбекстан Республикасы Президентінің сайлауындағы сенімді жеңісімен шын жүректен құттықтап, оған елдің әл-ауқаты мен гүлденуін қамтамасыз ету жолындағы қызметіне табыс тіледі. 

Өзбекстанның сайлау заңнамасы мен сайлау рәсімдерін дамытуда айтарлықтай жетістіктерге жеткені атап өтілді және ТМД аясында өзара тиімді ынтымақтастықты кеңейту мәселелері талқыланды.

Мемлекет басшысы Өзбекстанның Достастық аясындағы, әсіресе, экономикалық саладағы практикалық ынтымақтастықты нығайтуды табанды түрде қолдайтынын айтты.

Атап айтқанда, осы айда бейнеконференция түрінде өткен ұйымның мерейтойлық саммитінің соңында қол жеткізілген уағдаластықтардың орындалуына ерекше назар аударылды.