Ертең, 24 наурызда Өзбекстан Республикасы Президенті Шавкат Мирзияев Ташкент халықаралық инвестициялық форумына қатысады. Мемлекет басшысы форумның пленарлық отырысында сөз сөйлейді.

Форумда ЕҚДБ президенті Одиль-Рено Бассо, Азия даму банкінің президенті Масацугу Асакава, Сауд Арабиясының Инвестициялар министрі Халид әл-Фалих, Дүниежүзілік сауда ұйымының вице-президенті Сянчэн Чжан, Азия инфрақұрылымдық инвестициялар банкінің вице-президенті Константин Лимитовский, Халықаралық қаржы корпорациясы вице-президенті Стефани фон Фридербург қатысады.

Мемлекет басшысының қатысуымен өтетін сессияны BBC World News халықаралық арнасының жаңалықтар жүргізушісі ретінде танымал, қазір Еуропалық қайта құру және даму банкінің коммуникациялар жөніндегі директоры Джонатан Чарльз жүргізеді.

Бүгін Мемлекет басшысы Татарстан Республикасының Президенті Рустам Минниханов бастаған Ресей делегациясын қабылдайды.