Өзбекстан Республикасы Президенті Шавкат Мирзияев 24 маусым күні Ташкент қаласындағы құрылып жатқан Tashkent City кіші қала құрылысымен танысты.

Мұндағы халықаралық бизнес орталығы сегіз лотқа бөлінген түрде салынып жатыр. Қазіргі уақытта 7 миллион текше метр жер жұмыстары жүргізіліп, 50-ден астам ғимараттардың берік іргетасы қаланды.

Tashkent Cityаумағындағы құрылыс нысандарының бірі Конгресс Холл және Хилтон қонақ үй кешені - ең озық бағыттардың бірі. Осы ғимараттарда темір-бетон, металл конструкция және шатыр жұмыстары аяқталып, құрылыстың сексен пайызынан астамы аяқталды. Қазіргі уақытта электр желілері, ішкі әрлеу және механикалық жұмыстар жүргізілуде.

Мемлекет басшысы Конгресс Холлмен бірге салынған 21 қабатты 5 жұлдызды Hilton қонақ үйіне барды. Онда Шавкат Мирзияев жергілікті және шетелдік инвесторлармен әнгімелесіп, пікір алмасты. 

Өзбекстан Республикасы Президенті Баспасөз қызметі хабары. Хабардың толық нұсқасын «president.uz»дан оқи аласыздар.