Өзбекстан Республикасы Президенті Шавкат Мирзияев 2 наурызда экономикалық даму, тиімді басқару және халықаралық ынтымақтастық бойынша кеңесшісі Сума Чакрабартиді қабылдады.

Кездесуде кеңесші Чакрабартидің Өзбекстандағы экономикалық реформалардың ұзақ мерзімді стратегиясын дайындау, мемлекеттік басқару жүйесін жетілдіру, Өзбекстанның шетелдік серіктестер арасындағы өзара тиімді қатынастарды кеңейту туралы ұсыныстары қаралды.

Мемлекет басшысы «жол картасын» және басқа да маңызды тұжырымдамалық құжаттарды бірге пысықтауды жалғастыру мен оларды кейіннен жүзеге асыру қажеттігін айтты.

Инвестициялық және іскерлік ортаны одан әрі жақсартуға, мемлекеттік кәсіпорындарды қайта құруға, жоғары білікті кадрларды даярлауға ерекше назар аударылды.