Өзбекстан Республикасының Президенті Шавкат Мирзияев 2 желтоқсанда Өзбекстанға жұмыс сапарымен келген Ресей Федерациясы Президентінің Әкімшілігі Басшысының орынбасары Дмитрий Козак бастаған делегацияны қабылдады.

Мемлекет басшысы кездесуде жоғары деңгейдегі жемісті диалогтың арқасында соңғы жылдары Өзбекстан – Ресей көп қырлы ынтымақтастығы қарқынды дамып келе жатқандығын және стратегиялық серіктестік пен одақтастық қатынастарды нығайта түскенін атап өтті.

Дмитрий Козак Өзбекстан Президентіне жылы қарсы алғаны үшін алғыс айтты және Ресей Президенті Владимир Путиннің сәлемі мен ізгі тілектерін жеткізді.

Бүгінгі кездесуде болашақ екіжақты және көпжақты кездесулерге дайындалу және өткізу мәселелері талқыланып, іс-шаралардың күн тәртібін нақты практикалық мазмұнмен байытуға ерекше назар аударылды.

Сонымен қатар халықаралық саясаттың кейбір аспектілері туралы пікір алмасты.