Шавкат Мирзияев Пәкістан тәуелсіздігінің 75 жылдығына орай құттықтау жолдады
Өзбекстан Республикасы Президенті Шавкат Мирзияев Пәкістан Ислам Республикасының Президенті Ариф Альви мен Премьер-Министрі Шахбаз Шарифке ел тәуелсіздігінің 75 жылдығына байланысты құттықтау жолдады.
Бұл туралы Президент баспасөз хатшысы Шерзод Асадов телеграма рнасында хабарлады.
Құттықтауда, Өзбекстанның Пәкістанмен стратегиялық серіктестік қағидаттарына негізделген достық пен көпжақты ынтымақтастықтың қазіргі деңгейін жоғары бағалайтынын және осы бағыттағы үлкен әлеуетті одан әрі іске асыруға мүдделі екені атап өтілген.
Мемлекет басшысы достас Пәкістан халқына бейбітшілік, тұрақты даму және гүлдену тіледі, делінген хабарламада.