Өзбекстан Республикасы Президенті Шавкат Мирзияев 14 сәуірде Венгрия Премьер-Министрі Виктор Орбанмен телефон арқылы сөйлесті.

Әңгімелесу басында Өзбекстан басшысы Венгрия Үкіметінің басшысын осы елдегі парламенттік сайлаудағы «ФИДЕС» – Христиан-демократиялық халықтық партия коалициясы осы елдегі парламенттік сайлаудағы жеңісімен шын жүректен құттықтады.

Тараптар бір-бірін екі ел арасындағы дипломатиялық қарым-қатынастың орнағанына 30 жыл толуымен құттықтады.

Стратегиялық әріптестікті одан әрі нығайту, Венгрия Премьер-министрінің өткен жылдың наурыз айында Өзбекстанға сапары барысында қол жеткізілген келісімдерді жүзеге асыру мәселелері жан-жақты талқыланды.

Фармацевтика, ауыл шаруашылығы, мал шаруашылығы, тамақ өнеркәсібі, құрылыс материалдары салаларындағы кооперация жобаларын жүзеге асыруға, банк және қаржы саласындағы өзара тиімді ынтымақтастықты кеңейтуге ерекше назар аударылды.

Тараптар халықаралық және өңірлік маңызы бар өзекті мәселелер бойынша пікір алмасып, алдағы уақытта жоғары деңгейде өтетін іс-шаралар жоспары қарастырды.