26 ақпанда Өзбекстан Республикасының Президенті Шавкат Мирзияев пен Түркия Республикасының Президенті Режеп Тайып Ердоған телефон арқылы сөйлесті.

Әңгіме басында Мемлекет басшысы Түркия басшысын туған күнімен шын жүректен құттықтап, оған зор денсаулық, бақыт және толағай табыстар, ал достас Түркия халқына бейбітшілік пен гүлдену тіледі.

Сұхбат барысында тараптар екіжақты күн тәртібіндегі өзекті мәселелерді талқылады.

Өзбекстан - Түркия көп қырлы ынтымақтастығы тұрақты әрі қарқынды дамып келе жатқаны қанағаттанушылықпен атап өтілді.

Әртүрлі деңгейде белсенді диалог жалғасуда, өзара сауда көрсеткіштері артып келеді. Екі елдің жетекші аймақтары мен кәсіпорындары арасындағы ынтымақтастық кеңейіп, бірқатар ірі инвестициялық және инфрақұрылымдық жобалар бірлесіп жүзеге асырылуда. Маңызды мәдени-гуманитарлық бағдарламалар жүзеге асырылуда.

Мемлекеттер басшылары Ташкентте өтетін Стратегиялық ынтымақтастық жөніндегі жоғары деңгейдегі кеңестің кезекті отырысына дайындық барысына ерекше назар аударды.

Сондай-ақ, Президенттер халықаралық саясат пен өңірлік құрылымдардағы ынтымақтастық мәселелері бойынша пікір алмасты.