Өзбекстан Республикасы Президенті Шавкат Мирзияев 27 қаңтарда бейне байланыс түрінде өтетін «Үндістан-Орталық Азия» бірінші саммитіне қатысады.

Үндістан Республикасының Премьер-Министрі Нарендра Модидің бастамасымен өтетін саммиттің күн тәртібінде көпжақты қарым-қатынастарды одан әрі кеңейту, өңірлік байланыстарды нығайту және аймақтағы ынтымақтастық пен тұрақты дамуды қамтамасыз ету мәселелері қарастырылады.

Сауда, өнеркәсіптік кооперация, «жасыл» экономика, инновациялық және цифрлық технологиялар, көлік-логистика, мәдени-гуманитарлық алмасу салаларындағы практикалық ынтымақтастықты ілгерілетуге ерекше назар аударылады.

Саммит соңында басым бағыттар бойынша достық қарым-қатынас пен ұзақ мерзімді серіктестікті нығайтуға бағытталған Дели декларациясын қабылдау жоспарлануда.