Өзбекстанның Либерал-демократиялық партиясынан Өзбекстан Республикасы Президенті лауазымына кандидат Шавкат Мирзияев Жызақ облысының сайлаушыларымен кездесу өткізді.

Президенттікке үміткер сайлауалды бағдарламасы жайлы баяндау алдынан алғысөзін Өзбекстан халқын бүгінгі Өзбек тілі күні мерекесімен құттықтаудан бастады.

Шавкат Мирзияевтың бағдарламасы экономика, кәсіпкерлік, ауыл шаруашылығы, білім, медицина, аймақтық даму, мемлекеттік басқару, заңдылық, сыртқы саясат пен мәдениеттің дамуын қамтиды.

Бағдарламада Жызақ облысының әлеуметтік-экономикалық даму жоспарлары көрсетілген болып, алдағы бес жылда өңір жалпы сомасы 12 миллиард доллар болатын 4 мыңнан астам ірі, орта және шағын инвестициялық жобаларды іске асыруды және 120 мың жұмыс орнын құруды жоспарланған.

Кездесуде алдағы 5 жыл ішінде аймақтың экспорты үш еседен асып, жылына 620 миллион долларға жетуі мүмкін, оның ішінде өнеркәсіптік экспорт 500 миллион долларға жетуі мүмкіндігі айтылды.

Аймақтың табиғаты ішкі және сыртқы туризмді де дамытуға өте қолайлы. Бұл бағытта құны 300 миллион доллар болатын жобалар жүзеге асырылып, жаңадан 25 мың жұмыс орны ашылады. Жалпы, шағын кәсіпкерлік пен қызмет көрсету саласында «махалларалық» жұмысы арқылы облыста 100 мың жаңа жұмыс орны ашылады.

Ауылдық жерлердегі халықтың тұрмыс деңгейін жақсарту мақсатында «Абат ауыл» және «Абат махалла» бағдарламалары бойынша 208 ауыл мен махалла жақсартылады. 875 шақырым ауыз су, 5 мың шақырым электр желісі, 3 мың шақырымнан астам жолдар мен ішкі көшелер салынады. Алдағы бес жылда барлығы 18 мың көпқабатты үй салынып, мұқтаж отбасыларға субсидия беріледі.

Жалпы, алдағы бес жылда Жызақ облысының экономикалық және әлеуметтік дамуына мемлекеттік бюджеттен 45 трлн сум бөлініп, 230 мың жаңа жұмыс орнын ашу көзделген.

Кездесуде тұрғындардың денсаулығын нығайтуға, білім беру мекемелерінің қамтылуы мен сапасын жақсартуға, мәдениет пен спортты дамытуға бағытталған жоспарлардың да таныстырылымы өтті.