30 мамырда Өзбекстан Республикасы Президенті Шавкат Мирзияев Корея Республикасының Президенті Мун Чжэ Иннің шақыруымен Сеул қаласында бейне байланыс форматында өткен «Жасыл даму және жаһандық мақсаттар үшін ынтымақтастық - 2030» екінші халықаралық саммитіне қатысты.

Екі күндік форумның күн тәртібіне климаттың өзгеру салдарын жою, «жасыл» өркендеу және көміртектің бейтараптылығын қамтамасыз ету, сондай-ақ БҰҰ-ның орнықты даму мақсаттарына қол жеткізу және Климат туралы Париж келісімінің ережелерін орындау орын алған.

Іс-шараға әлемнің жетекші елдерінің мемлекет және үкімет басшылары, жоғары деңгейдегі өкілдері, беделді халықаралық ұйымдардың басшылары қатысуда. 

Атап айтқанда, БҰҰ Бас хатшысы Антониу Гутерриш, Еуропалық Кеңес төрағасы Шарль Мишель және Еуропалық комиссияның төрағасы Урсула фон дер Лайен, Германия канцлері Ангела Меркель, Франция президенті Эммануэль Макрон, Ұлыбритания премьер-министрі Борис Джонсон, Қытай премьер-министрі Ли Кэцян, АҚШ президентінің Климат жөніндегі арнайы өкілі Джон Керри, , ХВҚ-ның басқарушы директоры Кристалина Георгиева, Жасыл өсу жөніндегі жаһандық институттың президенті Пан Ги Мун және ЭЫДҰ бас хатшысы Анхель Гурриа.

Халықаралық саммитте Шавкат Мирзияев Өзбекстандағы «жасыл» даму саласындағы жүргізіліп жатқан реформалардың маңызды бағыттарын атап өтті және осы саладағы халықаралық ынтымақтастықтың болашағы туралы өз пікірін білдірді.

Мемлекет басшысы «жасыл» және тұрақты дамуға қызмет ететін тиімді шешімдер қабылдау үшін бүкіл халықаралық қоғамдастықтың күш-жігерін біріктіру қажеттігін айтты.

Арал теңізі апатының ғаламдық зардаптарын еңсеру осыған байланысты басым бағыттардың бірі ретінде анықталды. Осыған байланысты Шавкат Мирзияев барлық халықаралық серіктестерге Арал өңірін экологиялық инновациялар мен технологиялар аймағы деп жариялау туралы жақында Өзбекстанның бастамасымен қабылданған БҰҰ Бас ассамблеясының арнайы резолюциясын жан-жақты қолдағаны үшін алғыс айтты. Осы бағыттағы белсенді жұмысты, оның ішінде БҰҰ-ның арнайы құрылған сенім қоры, Жаһандық жасыл өсу институты, «P4G» серіктестік платформасы және басқа да халықаралық институттар шеңберінде жалғастыру ұсынылды. 

Аймақтағы климаттың өзгеруі, булану деңгейін арттырушы газдар және атмосфераның ластануына орай трансшекаралық өзендер мен биоәртүрліліктің азаюына байланысты алаңдаушылық білдірілді. 

Өзбекстан Париж келісімі бойынша 2030 жылға дейін парниктік газдарды атмосфераға шығуын азайту жөніндегі өз міндеттемелерін орындауға жауапкершілігі атап өтілді.

Осыған байланысты «жасыл» технологияларды кеңінен енгізу және «жасыл» энергетика саласындағы жобаларды іске асыру Өзбекстанда алдағы онжылдықта жаңартылатын энергия көздерінің үлесін 3 еседен астамға көбейту мүмкіндігі берілетіні жайлы айтылды.

Келесі жылы Өзбекстанда «дамушы елдер үшін жасыл энергия» тақырыбында халықаралық конференция өткізу, сонымен қатар «жасыл» тұтыну мәдениетін қалыптастыру мақсатында жастарды «жасыл» экономика құруға тартудың арнайы бағдарламасын іске асыру бастамалары болады.

Осы маңызды бағыттағы практикалық ынтымақтастықты кеңейту мақсатында Президент, Өзбекстан «P4G» серіктестігіне қосылып, толыққанды қатысушы болуға дайын екенін айтты.

Форумның жұмысы жалғасуда. Оның соңында «жасыл» қалыпқа келтіру мен тұрақты даму саласындағы халықаралық күштерді біріктірудің маңызды міндеттерін белгілейтін Сеул декларациясы қабылданады.