Өзбекстан Республикасы Президенті Шавкат Мирзияев 6 мамырда Иран Ислам Республикасының Президенті Хасан Руханимен телефон арқылы сөйлесті, деп хабарлайды Президент баспасөз қызметі.

Әңгіме басында Мемлекет басшылары қасиетті Рамазан айымен бір-бірін шын жүректен құттықтап, әлемдік пандемияға байланысты қиын кезеңде достас халықтарымызға мықты денсаулық тілесті.

Екіжақты қатынастардың өзекті мәселелерін, соның ішінде сауда-экономикалық және көлік-коммуникация саласындағы практикалық ынтымақтастықты кеңейту перспективаларын жан-жақты талқылап, пандемияның сауда практикасына, экономиканың түрлі салаларындағы ынтымақтастық жобаларына, экспорт-импорттық жүк транзитіне теріс әсерін азайту мақсатында тиісті министрліктер мен ведомстволарға бейне конференцияларды өткізуді жалғастыруды тапсырды.

Сондай-ақ, коронавируспен күресте үйлестіру және тығыз ынтымақтастық, оның ішінде осы қауіпті аурудың алдын алу мен емдеудің басым шаралары туралы ақпарат пен тәжірибе алмасу, тұрғындар мен бизнесті қолдау туралы келісімге қол жеткізілді.

Сұхбат барысында халықаралық ынтымақтастыққа қатысты бірқатар мәселелер талқыланды.