15 шілдеде Өзбекстан Республикасы Президенті Шавкат Мирзияев «Орталық және Оңтүстік Азия: аймақтық байланыс. Қауіптер мен мүмкіндіктер» атты халықаралық конференциясына қатысу үшін Ташкентке келген Ауғанстан Ислам Республикасының Президенті Ашраф Ғанимен кездесті.

Президенттер ауған қақтығысын әскери жолмен шешудің мүмкін еместігін тағы да еске алып, инклюзивті ауғанаралық келіссөздерді тезірек қалпына келтіруді жақтайтындықтарын мәлімдеді.

Кездесуде Шавкат Мирзияев Өзбекстан Ауғанстанда тұрақты бейбітшілікке қол жеткізуге белсенді үлес қосуға дайын екендігін растады.

Тараптар екіжақты сауда-экономикалық ынтымақтастық тұрақты дамып келе жатқандығын қанағаттанушылықпен атап өтті. Пандемияға қарамастан, осы жылдың алғашқы бес айында екіжақты сауда көлемі 50% өсті. Өзбекстанда Ауғанстан капиталымен 160 жаңа кәсіпорын құрылды.

Орталық және Оңтүстік Азия арасындағы байланысты нығайтумен қатар Ауғанстанның транзиттік әлеуетін кеңейтуге бағытталған бірлескен көлік-энергетикалық инфрақұрылым жобалары, сондай-ақ Ауғанстанның транзиттік әлеуетін кеңейтуге бағытталған бірлескен көлік-энергетикалық инфрақұрылым жобалары қатарында оның ішінде «Терміз-Мазари-Шариф-Кабул-Пешавар» теміржолы және жаңа «Сурхан-Пули-Хумри» электр беру желісінің құрылысын одан әрі ілгерілету маңызды екендігі айтылды.

Президенттер екіжақты және аймақтық ынтымақтастықты одан әрі дамытуға және қол жеткізілген уағдаластықтарды іске асыруға бел буғандықтарын атап өтті.