Өзбекстан Республикасы Президенті Шавкат Мирзияев 20 қазанда Өзбекстанға жұмыс сапарымен келген АҚШ Қарулы Күштері Орталық қолбасшылығының қолбасшысы, генерал Кеннет Маккензиді қабылдады.

Кездесу барысында тараптар Өзбекстан-АҚШ қатынасы және аймақтық күн тәртібі мәселелерін талқылап, қауіпсіздік пен тұрақтылыққа, сондай-ақ жаһандық қауіп-қатерлерге қарсы күрес мәселесіне ерекше назар аударды.

Ауғанстандағы бейбітшілік процесін қолдау және елдің экономикасын қалпына келтіруге практикалық көмек көрсету туралы пікір алмасты.

Екіжақты әскери және әскери-техникалық ынтымақтастық мәселелері де талқыланды.

Генерал Маккензи Өзбекстан Республикасы Президентіне кездесу үшін шын жүректен ризашылығын білдіріп, АҚШ пен Өзбекстан арасындағы стратегиялық серіктестікті нығайтуға және ауқымды ынтымақтастықты кеңейтуге ұмтылатындығын атап өтті.