Малайзияда кейинги бир кунда 33 минг 209 ҳолатда коронавирусга чалиниш ҳолати қайд этилди, дейилади мамлакат соғлиқни сақлаш вазирлиги маълумотида.

“REGNUM” хабарига кўра, шу тариқа Малайзияда касалликка чалинганларнинг умумий миқдори 3 миллион 561 минг 766 нафарга етган. Мамлакатда жами 33 минг 106 киши касаллик қурбони бўлгани маълум қилинган. Ҳозир қиролликда уч юз беш минг ўнта фаол касалланиш ҳолати қайд этилмоқда.

Жанубий Кореяда қаторасига икки кундан буён коронавирусга чалинганлар миқдори 250 мингдан ошгани қайд этилмоқда, дейилади мамлакат касалликлар назорати ва профилактикаси маркази маълумотида. REGNUM хабарига қараганда, жумладан, кейинги бир кунда 254 минг 327 ҳолатда вирусга чалиниш кузатилган. Кейинги беш кунда касалланганлар миллиондан ошган айтилмоқда. Шунингдек, кейинги бир кунда 216 киши вирус қурбони бўлган, бу эса, пандемия давридаги кунлик рекорд кўрсаткич  ҳисобланади.