Sharqiy harbiy okrug qo‘shinlari Ma’naviyat va ma’rifat markazida okrug qo‘shinlari qo‘mondoni, general-mayor Oybek Saidov harbiy xizmatchilar hamda yuzdan ortiq yoshlar bilan uchrashdi.

Tadbir davomida Qurolli Kuchlarimizda olib borilayotgan islohotlar, oliy harbiy ta’lim muassasalari haqida va yoshlarga yaratilayotgan imkoniyatlar haqida so‘z yuritildi. Samimiy muloqot asnosida okrug qo‘shinlari qo‘mondoni yoshlarni qiziqtirgan savollarga javob berdi.

Ishtirokchilarga madaniy hordiq ulashish maqsadida harbiy orkestr jamoasi hamda xushovoz xonandalar tomonidan diltortar qo‘shiqlar kuylandi. Bir guruh faol yoshlarga  general-mayor esdalik sovg‘alar topshirdi.

[gallery-12313]

Muqimjon QODIROV (surat), O‘zA