O‘tgan yilning dekabr oyida avtomobil bozorida faollikning sezilarli pasayishiga qaramay, yil davomida avtomobillarning umumiy savdosi 87 foizga rekord darajada o‘sdi.

Ma’lumot uchun, O‘zbekiston avtomobil bozorini ko‘rib chiqish Iqtisodiy tadqiqotlar va islohotlar markazining tadqiqot yo‘nalishlaridan biri bo‘lib, unda mahalliy ishlab chiqarilgan avtotransport vositalari va xorijiy avtomobillar sotish dinamikasi keltirilgan. Ma’lumotlar hisobot oyi uchun ham yil boshidan hisobot oyigacha bo‘lgan davr uchun ham taqdim etiladi. Bundan tashqari, bozor dinamikasini kuzatish uchun o‘tgan yilning shu davridagi ma’lumotlar keltirilgan. 

Dekabr oyida o‘tgan yilning boshida boshlangan savdoning o‘sish tendensiyasi to‘xtatildi. Biroq 2022 yilning so‘nggi oyidagi faollikning pasayishiga qaramay, avtomobillarga talab ancha yuqoriligicha qolmoqda. Yil davomida sotuvlar soni rekord darajada 87 foizga o‘sdi va 1,4 millionta avtotransport vositasini tashkil etdi, bu oldingi yilga nisbatan 2 baravar ko‘p.

Bir oyda sotilgan avtomobillarning umumiy soni noyabr oyiga nisbatan 32 foizga kamaygan holda 107 mingtadan oshdi. “UzAuto Motors” tomonidan “Chevrolet Lacetti”, “Cobalt”, “Damas” va “Labo” avtomobillari bilan shartnoma tuzishning vaqtincha to‘xtatilishi avtomobil bozoridagi faollikni pasaytiruvchi omillardan biri bo‘ldi.

Ro‘yxatga va qayta ro‘yxatga olingan avtomobillar soni o‘zgarishi

Umuman olganda, respublikada yil boshidan buyon avtomobillar savdosi o‘tgan yilning shu davriga nisbatan 2 baravar oshdi.

Birlamchi va ikkilamchi avtomobil bozoridagi vaziyat

Hisobot davrida birlamchi avtomobil bozorida sotuvlarning sezilarli darajada kamayishi bilan ajralib turdi, bir oy ichida ro‘yxatga olingan avtotransport vositalari soni 50 foizga kamaydi. Shu bilan birga, o‘tgan yilning shu davriga nisbatan pasayish deyarli 40 foizni tashkil etdi.

Birlamchi va ikkilamchi avtomobil bozori (2021-2022)

Ikkilamchi avtomobil bozorida sotuvlarning pasayishi birlamchi bozorga qaraganda yuqori bo‘lmadi. Shu bilan birga, ikkilamchi avtomobil bozori yil davomida ikki baravar oshdi.

Ikkilamchi bozorda 91 mingdan ortiq avtotransport vositalari sotildi, bu oldingi oyga nisbatan 28 foizga kam.

Umuman olganda, 2022 yilda birlamchi bozorda 312 mingdan ortiq avtotransport vositasi sotilgan, bu yilga nisbatan 46 foizga ko‘pdir. Ikkilamchi bozorda 1,1 millionta avtotransport vositasi sotildi, bu o‘tgan yilga nisbatan 2,4 baravar ko‘p.

Mahalliy yengil avtomobillar va xorijiy avtomobillarning birlamchi bozori 

O‘tgan yil dekabr oyida mahalliy brendlarning yangi yengil avtomobillari savdosi o‘tgan yilning shu davriga nisbatan 40 foizga kamaygan holda 13,4 mingtani tashkil etdi. 

Mahalliy va chet elda ishlab chiqarilgan yangi yengil avtomobillar savdosi ulushi

Chet elda ishlab chiqarilgan yangi avtomobillarning sotuvi 53 foizga kamaydi va 1,4 mingtani tashkil etdi, o‘tgan yilning shu davriga nisbatan pasayish 43 foizni tashkil etdi.

Mahalliy ishlab chiqarilgan yangi avtomobillar savdosining o‘sishi 268 mingtadan oshdi, bu o‘tgan yilga nisbatan qariyb 49 foizga ko‘pdir. Umuman olganda, yil davomida O‘zbekistonda yangi xorijiy avtomobillar bozori 35 foizga o‘sib, 18,4 ming donani tashkil etdi.

Daryo Miroshnikova,

Iqtisodiy tadqiqotlar va islohotlar markazi mutaxassisi.

O‘zA