"Ўзбекистон темир йўллари" акциядорлик жамияти тасарруфидаги “Шарғункўмир" акциядорлик жамиятида 62 йилдан буён 40-50° иссиқлик қувватига эга, темирни ҳам эритишга қодир сифати ўта юқори кўмир қазиб олинмоқда.

 Ҳозирда Шарғун конида кўмирнинг баланс захираси 33 миллион тоннани ташкил этмоқда.

Президентимизнинг 2017 йил 13 январдаги "Аҳолининг иқтисодий фаровонлигини ошириш тўғрисида"ги қарори ҳамда “Лойиҳалаштириш қуввати 900 минг тоннани ташкил этувчи "Шарғункўмир" акциядорлик жамиятини модернизация қилишда инвестиция лойиҳасини амалга ошириш чора-тадбирлари тўғрисида”ги фармонига кўра катта қурилиш ва таъмирлаш ишлари амалга оширилди. Барча цехлар қайта реконструкция қилиниб, янгилари барпо этилди. 

Ахборот-таҳлилий медиа марказидан хабар беришларича, "Шарғункўмир" акциядорлик жамиятини модернизация қилиш бўйича мазкур йирик инвестиция лойиҳасининг буюртмачиси сифатида Хитойнинг "Чина Раилwай Туннель Гроуп Cо., Лтд." ва "Чина Cоал Течнологй & Энгинеэринг Гроуп Cорп." компаниялари билан ҳамкорлик шартномалари имзоланди. Лойиҳанинг умумий қиймати 105,5 миллион доллар бўлиб, 89,8 миллион доллари эса бевосита ХХР "Эксимбанк"дан олинди. 

Хусусан, йилига 900 минг тонна кўмир ишлаб чиқариш учун "Чина Раилwай Туннель Гроуп Cо., Лтд." компанияси билан шартнома имзоланди. Ушбу шартнома асосида келтирилаётган ўлчов воситалари, синов ускуналарини сертификатлаштириш ва синов ишларини амалга ошириш учун Тошкент шаҳридаги институтлардан саралаб олинган мутахассислар Сариосиё туманида бўлиб, сертификатлаштириш ва синов ишларини амалга ошириб қайтишди. 

– Ажратилаётган маблағлар ҳисобига корхонанинг техник ва технологик базасини қайта янгилаш ҳамда ишлаб чиқаришни модернизация қилиш, кўмир қазиб олишни йилига 160 минг тоннадан 900 минг тоннагача ошириш яратиш кўзда тутилган, – дейди «Шарғункўмир» акциядорлик жамияти бош муҳандиси Ш.Сурхонов. – Айни дамда қазиб олинаётган ҳар 1000 тонна кўмирга тўкиш ҳажми ва белгиланган ҳаражатлар улушини камайтириш ҳисобига кўмир қазиб олишни таннархини сезиларли даражада пасайтириш кўзда тутилган. Шунингдек, корхонада мингдан ортиқ қўшимча иш ўрни яратиш, аҳолини бандлиги таъминлаш чоралари кўрилмоқда.
Қайд этиш керакки, Шарғун конининг юклаш пунктига қадар идоравий магистраль йўли мавжуд бўлиб, корхонанинг жонкуяр ишчи-ходимлари ҳамда темир йўл ходимлари кўмаги билан юртимизнинг барча ҳудудларига ва қўшни давлатларга экспорт юкларни сифатли етказиб беришда жонбозлик кўрсатишмоқда. Юқори технологик комплексининг жойлашган минтақаси тоғли ҳудудга тўғри келади ва унинг баландлиги 1200-1700 метрни ташкил этади. Мазкур йирик лойиҳа доирасида бир йил давомида 200 минг тонна кўмир қазиб олиш режалаштирилган.

Ҳозирда "Шарғункўмир" акциядорлик жамияти ва Хитойнинг "Чина Раилwай Туннель Гроуп Cо., Лтд." ва "Чина Cоал Течнологй & Энгинеэринг Гроуп Cорп." компаниялари зиммасига юкланган энг муҳим вазифалардан бири бу – амалга ошираётган инвестиция лойиҳасини ўз вақтида муваффақиятли якунлашдир. Мазкур инвестиция маблағлари корхона фаолиятини тубдан такомиллаштиришга, барча ишлаб чиқариш цехларини реконструкция қилишга, моддий техник базасини янгилашга ҳамда ишчи-ходимларни қўл меҳнатини енгиллаштириш ҳамда қулай иш шароитлари яратишга хизмат қилади.