Қорақалпоғистон Республикасининг Беруний туманида 200 МВт қувватга эга шамолдан электр энергия ишлаб чиқариш ҳамда энергия сақлаш тизими (аккумулятор) лойиҳасини амалга ошириш учун инвестор танлаш бўйича тендернинг Таклифлар сўрови босқичи бошланди.

Бу ҳақда Энергетика  вазирлиги матбуот хизмати маълум қилди.  

Унда қайд этилишича, тендерда ғолиб бўлган иштирокчи лойиҳани молиялаштириш, лойиҳалаштириш, қурдириш, ишлатиш, техник хизмат кўрсатиш ва шартнома муддати охирида станцияни қолдириб кетиш ёки бузиб, ерни асл ҳолига қайтариши кўзда тутилган.  

Тендернинг ушбу босқичида биринчи босқичдаги саралашдан ўтган Abu Dhabi Future Energy Company PJSC – Masdar (БАА), ACWA Power Company (Саудия Арабистони), Concord New Energy Group Limited (Гонконг),  China Datang Overseas Investment Co. Ltd. (Хитой) ва Goldwind International Holdings Limited (Гонконг) компаниялари консорциуми, EDF Renouvelables S.A. (Франция), Eksim Enerji Anonim Şirketi (JSC Eksim Enerji) (Туркия),  ReNew Vyan Shakti Private Limited (Ҳиндистон), Universal Energy Co. Ltd. (Хитой) ва Voltalia SA (Франция) компаниялар ўзларининг техник, тижорий ва тариф таклифларини тақдим этмоқда.  

Танлов иштирокчилари ўз таклифларини 2023 йил 29 июлда Тошкент вақти билан соат 18:00 гача тақдим этиши сўралади. Лекин танлов давомида иштирокчиларнинг мурожаатлари асосида муддат ҳаммага узайтириб берилиши мумкин.  

ЎзА