Норвегиялық 27 жастағы биатлоншы, Әлем кубогы кезеңдерінің жеңімпазы, үш дүркін Еуропа чемпионы Сиверт Гутторм Баккен Италияның Лаваза қаласындағы қонақүйден өлі күйінде табылды.

Бұл туралы Норвегия биатлоншылар одағы хабарлады. Қазіргі таңда өлімнің себебі белгісіз.

«Ең алдымен Сиверттің отбасы мен барлық жақындары туралы ойлаймыз. Біз оқиға орнында жұмыс істеп жатқан Италияның ресми органдарымен байланыстамыз. Командадағы биатлоншылардан осы ауыр сәттерде сабыр сақтауды сұраймыз», — деген ұйымның бас хатшысының міндетін атқарушы Эмили Нордскар.

Айта кетейік, Баккен 2016 жылы жасөспірімдер арасындағы қысқы Олимпиада ойындарына қатысып, екі алтын және бір күміс медаль жеңіп алған еді.