Куни кеча футбол бўйича аёллар ўртасида Ўзбекистон чемпионати 2-босқич ўйинларининг 21-тур беллашувлари бўлиб ўтди.

Олмалиқда АГМК-Woman аёллар жамоасини меҳмони бўлган Қаршининг “Севинч- Woman” клуби 1:3 ҳисобида ғалаба қозониб, қолган 2 ўйин натижасидан қатъий назар мамлакат чемпионлигини қўлга киритди. 

Ҳали чемпионликдан умидини узмаган Тошкентнинг “Бунёдкор- W” хотин-қизлар жамоаси эса Жиззахда “Сўғдиёна-W”га қарши тўп суриб, 1:0 ҳисобида ютқазиб қўйди. Учрашувнинг 71-дақиқасида чемпионат тўп урари жиззахлик Диёра Ҳабибуллаеванинг киритган ягона голи “Сўғдиёна- W”га ғалаба келтирган бўлса, пойтахтлик футболчиларни чемпионликка бўлган умидларини пучга чиқарди. 

Навоийнинг “Қизилқум-W” хотин-қизлар клуби Тошкентнинг “Локомотив-W” аёллар жамоасини ўз майдонида қабул қилиб 1:1 ҳисобидаги дурангга имзо чекди.

Бекободда “Металлург-W” жамоаси қизлари эса аллақачон олий лига билан хайрлашган Наманганнинг “Навбаҳор-W” аёлларини йирик 6:1 ҳисобида мағлубиятга учратди.

Энди қолган 2 турда чемпионатимизнинг “кумуш” ва “бронза” медаллари учун баҳс “Сўғдиёна-W” ҳамда “Буёдкор-W” клублари ўртасида борса ажаб эмас. Жиззахликлардан 1 очкога ортда қолаётган пойтахтлик қизларда имконият нисбатан кўпроқ, сабаби “Бунёдкор-W” яна 2 та, “Сўғдиёна-W” эса 1 та учрашувда иштирок этади.

А.ҚАЮМОВ, ЎзА