Корея Республикасы Білім министрлігі Жаһандық білім саясаты департаментінің директоры Ли Хеджин және Халықаралық ынтымақтастық білім департаменті директорының орынбасары Чан Ёнхимен Өзбекстанның Сеулдегі Елшілігінде кездесу өтті.

Келіссөздер барысында екі ел арасындағы білім беру саласындағы қол жеткізілген келісімдер мен жүзеге асырылып жатқан және жетілдірілген іс-шаралар, соның ішінде Сеулде Өзбекстан мен Оңтүстік Корея арасындағы 2-ші ректорлар форумын өткізу, студенттердің білім алуына қажетті жағдай жасау мәселелері талқыланған.

«Өзбекстанның Жоғары білім, ғылым және инновациялар министрлігі және басқа да тиісті ұйымдар басшыларының осы жылдың 20-21 қыркүйегінде Сеулде өтетін «Ғаламдық білім және инновациялар саммиті» (GEIS) жұмысына қатысуы жөнінде пікір алмасылды», делінген хабарламада.

Бұл іс-шара бүкіл әлем бойынша инновациялық білім беру тәжірибесімен бөлісуге және білім берудің цифрлық трансформациясы бойынша ынтымақтастыққа бағытталған.