Оңтүстік Корея астанасы Сеул қаласында Ташкент медициналық академиясы (ТТА) өзінің ресми өкілдігін ашты.

Ташкент медицина академиясының өкілдері, академияның Оңтүстік Кореядағы серіктестері, Өзбекстанның Сеулдегі дипломатиялық өкілдігінің қызметкерлері, академияда білім алып жатқан дарынды студенттер мен олардың ата-аналары қатысқан ашылу салтанатында академияның халықаралық байланыстар бөлімінің меңгерушісі Мурад Джафаров сөз сөйлеп Ташкент медицина академиясының қызметі мен оның мүмкіндіктері туралы толық ақпарат берді. 

Шараға қатысқан серіктестер Оңтүстік Кореядан көптеген студенттерді Ташкент медицина академиясына оқуға жіберу, сондай-ақ академияның көптеген студенттерін Кореяның беделді медициналық университеттеріне оқуға жіберуді ұйымдастыру және өзара ынтымақтастықты дамыту қажеттігін атап өтті. 

Айта кету керек, Өзбекстан мен Оңтүстік Корея арасында барлық саладағы сияқты медицина саласында да тиімді ынтымақтастық байланыстары орнатылған. Қазіргі таңда Ташкент медициналық академиясы Корея Республикасының 20-дан астам университеттері және клиникаларымен ынтымақтастық жасауда. Сеулде Ташкент медицина академиясының өкілдігінің ашылуы өзара қарым-қатынасты жаңа деңгейге көтереді.