Хитойда Халқаро теннис федерацияси томонидан ўтказилаётган M25 тоифасига кирувчи турнирда мамлакатимиз шарафини Сергей Фомин ҳимоя қилаётгани ҳақида хабар берган эдик.

Мусобақанинг жуфтликлар ўртасида Сергей Фомин испаниялик Игнаси Форкано билан тандем ҳосил қилди. Улар чорак финал босқичида эстониялик Кристиян Тамм ва малайзиялик Митсуки Вей Канг Леонг дуэтига қарши кортга чиқиши кутилган эди. Бироқ рақиб теннисчилари учрашувни ўтказишдан бош тортди ва енгилганини тан олди.

Шу тариқа, Сергей ва Игнаси қийинчиликсиз ярим финалга йўл олди. Энди улар япониялик Рио Табата ва Хитой Тайпейи вакили Кай-и Ванг билан куч синашади.

Дарвоқе, Сергей Фомин яккалик баҳсларида чорак финалга ҳам ҳеч қандай қаршиликсиз ўтган эди. Бугун ярим финал остонасида теннисчимиз малайзиялик Митсуки Вей Канг Леонгга қарши ўйин ўтказади.

Жавоҳир Тошхўжаев, ЎзА