Gruziya poytaxti Tbilisi shahrida tennis bo‘yicha "Chellenjer" turkumiga kiruvchi xalqaro turnirda hamyurtimiz Sergey Fomin muvaffaqiyatli ishtirok etmoqda.

Musobaqaning saralash bahslarida tennischimiz dastlab gretsiyalik Pavlos Sitsipasni 6:3, 7:5 hisobida yenggan bo‘lsa, rossiyalik Semen Pankinni 2:6, 7:6, 6:2 hisobida taslim qildi va yakkalik bosqichining asosiy to‘riga yo‘l oldi.

Endi Sergey Fomin mukofot jamg‘armasi 60 ming AQSH dollarini tashkil etuvchi ushbu turnirning birinchi davrasida gruziyalik Aleksandr Bakshiga qarshi kortga chiqadi.

Javohir Toshxo‘jayev,O‘zA