Туркиянинг Анталия шаҳрида M25 таснифига кирувчи халқаро теннис турнирида ҳамюртимиз Сергей Фомин яккалик ва жуфтлик баҳсларида муваффақиятли иштирок этмоқда.

Теннисчимиз мусобақанинг иккинчи даврасида франциялик Шон Куэнин устидан 6:2, 6:3 ҳисобида ғалаба қозонди ва ярим финал йўлланмаси учун нейтрал теннисчи Алексей Ватутин билан куч синашадиган бўлди.

Шунингдек, Сергей Фомин турнирнинг жуфтлик баҳсларида нейтрал теннисчи Павел Вербин билан тандемда чехиялик Зденек Колар ва австриялик Сандро Копп жуфтлигини ҳар иккала сетда бир хил 6:1 ҳисобида мағлуб этган бўлса, чорак финалда туркиялик теннисчилар дуэти – Сарп Агабигун ва Мерт Оздемирни 7:6, 6:4 ҳисобида доғда қолдирди.

Энди Сергей ҳамда Павел ярим финал босқичида финляндиялик Патрик Каукоялта ва Еро Васа жуфтлигига қарши кортга чиқади.

Жавоҳир Тошхўжаев,

ЎзА