Хитойда Халқаро теннис федерацияси томонидан M25 тоифасига кирувчи турнирда мамлакатимиз шарафини Ҳумоюн Султонов ва Сергей Фомин ҳимоя қилмоқда.

Мусобақада мамлакатимизнинг биринчи рақамли теннисчиси  Ҳумоюн Султонов қозоғистонлик Григорий Ломакинни ҳар иккала сетда бир хил - 6:3 ҳисобида таслим этган бўлса, Сергей Фомин хитойлик Женг Донгни 6:2, 6:4 ҳисобида мағлубиятга учратди.

Энди Сергей иккинчи даврада украиналик Илия Марченко билан куч синашади. Ҳумоюн эса япониялик Рио Таҳата ва австралиялик Часе Фергусон учрашуви ғолибига қарши кортга чиқади.

Жавоҳир Тошхўжаев,

ЎзА