Профессионал теннисчилар Ассоциацияси (ATP) ҳафталик янги рейтингни эълон қилиши ортидан уч йиллик танаффусдан кейин терма жамоамиз аъзоси Сергей Фомин Ўзбекистоннинг биринчи рақамли теннисчисига айланди.

Янгиланган рейтингдан ўрин олган 8 нафар теннисчимиз орасида энг катта юксалишни амалга оширган Сергей Фомин уч йиллик танаффусдан сўнг яна Ўзбекистоннинг биринчи рақамли ракетка устаси номини қўлга киритди.

У Баҳрайнда ўтган М25 тоифасига кирувчи турнирдаги чемпионлиги ортидан рейтингда 47 поғонага юқорилаб, Ҳумоюн Султоновни ортда қолдирди.

Сергей Фомин ATP рейтингида 358-ўринга кўтарилиши туфайли Ўзбекистоннинг биринчи ракеткасига айланди. Рейтингда 16 очко йўқотиши ортидан 46 поғона пастлаб, ATP рейтингида 442-ўриндан жой олган Ҳумоюн Султонов энди мамлакатимизнинг иккинчи ракеткаси мақомига тушди.

Маҳоратли ракетка усталаридан Максим Шин 11 поғонага юқорилаб, 966-ўринга жойлашган вазиятда ёш теннисчиларимиз Амир Милушев 7, Батир Сапаев, Илья Игнатов, Абдулазиз Усмонжонов ва Дамир Абдусаломов 10 поғонадан пастга шўнғиди.

Т.Рўзиев, ЎзА