Шу кунларда Грузия пойтахтида бўлиб ўтаётган эркаклар ўртасидаги ITF Tbilisi Open халқаро турнирда мамлакатимиз теннисчилари курашни давом эттирмоқда. Теннис бўйича ITF Tbilisi Open турнирининг соврин жамғармаси 25000 АҚШ долларини ташкил этади.

3 август куни "ATP Challenger Nur-Sultan 2022" турнири ғолиби Сергей Фомин биринчи даврада Грузия вакили Георгий Чивадзэни (7:6, 6:4 ҳисобида), иккинчи даврада эса Россия вакили Георгий Филлиповни (6:4, 6:0 ҳисобида) мағлуб этди ва турнирнинг 1/8 финалига чиқди.

Яна бир теннисчимиз Максим Шин саралаш баҳсларидан ўтиб, биринчи босқичда  Ўзбекистоннинг яна бир вакили Ҳумоюн Султонов билан баҳс олиб борди ва қийин кечган жангда уни 6:2, 2:6, 6:4 ҳисобида мағлуб этди.

Теннисчиларимизга омад тилаб қоламиз!

“Ўзмиллийбанк” АЖ Ўзбекистон Теннис федерациясининг бош ҳомийси бўлиб, мамлакатимизда ушбу спорт турини ривожлантиришга салмоқли  ҳисса қўшмоқда.

“Ўзмиллийбанк” АЖ 

Матбуот хизмати 

ЎзА