Gruziya poytaxti Tbilisi shahrida tennis bo‘yicha "Chellenjer" turkumiga kiruvchi xalqaro turnirda hamyurtimiz Sergey Fomin ishtirok etmoqda.

Tennischimiz turnirning asosiy to‘r bahslariga yo‘llanma beruvchi saralash bosqichida gretsiyalik Pavlos Sitsipasni 6:3, 7:5 hisobida mag‘lubiyatga uchratdi va keyingi davrada rossiyalik Semen Pankinga qarshi kortga chiqadigan bo‘ldi.  

Ma’lumot o‘rnida: ushbu turnirning mukofot jamg‘armasi 60 ming AQSH dollarini tashkil etadi. Musobaqaning yakkalik bahslarida g‘olib bo‘lgan tennischi 8,350 AQSH dollar pul mukofoti va 50 reyting ochkosi bilan taqdirlanadi.  

Javohir Toshxo‘jayev, O‘zA