Хитойнинг Шандунь провинцияси Жинан шаҳрида теннис бўйича "Челленжер" туркумига кирувчи “Jinan Open” турнирида ҳамюртимиз Сергей Фомин иштирок этмоқда.

Мамлакатимизнинг иккинчи рақамли теннисчиси Сергей Фомин мукофот жамғармаси 200 минг АҚШ долларини ташкил этувчи мазкур турнирнинг саралаш баҳсларида япониялик Рио Ногучи билан куч синашди. Ушбу ўйиннинг биринчи даврасида 6:7 ҳисобида имкониятни бой бериб қўйган теннисчимиз қолган икки сетни 6:4, 7:6 ҳисобида ўз фойдасига ҳал этди ва саралаш босқичининг финалига йўл олди.

Шу тариқа, С.Фомин асосий даврага йўлланма берувчи сўнгги баҳсда қозоғистонлик Денис Евсеевга қарши кортга чиқади. Учрашув 7 октябрь куни соат 08:00 да бошланади.

Жавоҳир Тошхўжаев,

ЎзА