Toshkent shahar hokimligining xabar berishicha, poytaxtimizning Sergeli va Yangihayot tumanlari gaz ta’minoti tizimida ta’mirlash va sozlash ishlari olib boriladi. Shu sababli, ushbu tumanlarning ba’zi mahalla va ko‘chalarida 2-aprel kuni gaz ta’minoti qisman to‘xtatiladi.

Sergeli tumanining «Qumariq», «Oltin vodiy», «Uchuvchilar» mahallasida 10:00 dan 18:00 gacha;  

Yangihayot tumanining «Yangi Darxon» mahallasi hamda Navro‘z ko‘chasidagi 80 ta yerli xonadon, 3 ta ulgurji iste’molchida 14:00 dan 17:00 gacha gaz ta’minoti to‘xtatiladi.  

Ushbu noqulayliklar uchun «Hududgaz Poytaxt» GTF uzr so‘raydi, deyiladi xabarda.  

Sh.Mamaturopova,  

O‘zA