Фарғона вилояти Бувайда туманидаги “Инғирчоқ” маҳалласида истиқомат қилувчи тадбиркор Зоҳиджон Эгамбердиев хонадонида ноёб қушлар ва паррандалар парваришланмоқда. Асли касби қурувчи бўлган хонадон соҳибининг қизиқиши бугун барқарор даромад манбаига айланган.

Уч йилдан буён у Италия беданаси, Туркия тўтиси, Африка ва Осиё савалари каби турли мамлакатлардан келтирилган ўнлаб турдаги қушларни боқиб келмоқда. Айни пайтда қушлар сони 100 дан ошган, ёз мавсумида эса 500 тагача етади.

— Қуш боқиш мен учун хобби эмас, самарали бизнес, - дейди Зоҳиджон Эгамбердиев. — Бир қуш йил давомида 15–18 тагача бола очади.

[gallery-27507]

Қўқон ва Марғилон қуш бозорларида уч ойлик қушлар 500–600 минг сўмдан, бир ёшлилари эса тахминан 100 доллардан баҳоланмоқда. Айрим ноёб турлар 1–3 минг долларгача сотилмоқда. Ижтимоий тармоқлар орқали ҳам қуш савдосига талаб ортиб бормоқда.

Шунингдек, хонадонда Япония, Жанубий Корея ва Хитойдан келтирилган 20 га яқин ноёб товуқ зотлари ҳам парваришланмоқда. Айрим товуқлар бир кунда 2 тагача тухум бериб, улар бозорда 15–20 минг сўмдан сотилмоқда. Жўжалар 60–80 минг, катта товуқлар эса 350–400 минг сўм атрофида баҳоланади.

Хонадонда инкубация цехи ташкил этилган бўлиб, ойига 100 бошга яқин наслли жўжа маҳалладошларга етказиб берилмоқда.

<iframe width="650" height="420" src="https://www.youtube.com/embed/--Az_YOrQiw" title="Serdaromad tadbirkorlik manbai" frameborder="0" allow="accelerometer; autoplay; clipboard-write; encrypted-media; gyroscope; picture-in-picture; web-share" referrerpolicy="strict-origin-when-cross-origin" allowfullscreen></iframe>

Муқимжон ҚОДИРОВ (сурат ва видео), ЎзА