Брюссельдегі келіссөздерде Сербия мен Косово көшбасшылары Еуроодақ ұсынған қарым-қатынастарды қалыпқа келтіру жолын ұстануға келісті.

ЕО дипломаты Хосеп Боррелдің мәлімдеуінше, бұл процесті қабылдау мен жүзеге асырудың барлық егжей-тегжейлерін келісу үшін наурыз айында қосымша келіссөздер қажет.

«Президент Вучич пен премьер-министр Курти бүгін Косово мен Сербия арасындағы қалыпқа келу жолындағы еуропалық келісімнің қосымша талқылауды қажет етпейтіні туралы келіскенін хабарлауға қуаныштымын. Мәтін Еуропалық сыртқы әрекет қызметінің веб-сайтында жарияланады», - деген Боррел.

Оның айтуынша, «бұл келісім Косово мен Сербия тұрғындарына қатысты, ол Косово мен Сербия арасында өздерінің төлқұжаттарымен, жергілікті жеке куәліктермен және жергілікті автокөлік нөмірлерімен еркін жүріп-тұруын қарастырады».