“Сербия ҳар қандай босим бўлишига қарамай, ҳеч қачон Россияга санкциялар жорий қилмайди”.

Мамлакат парламенти спикери Ивица Дачич Белградда ўтказилган Россия билан муносабатларга бағишланган анжуманда шундай деди.

“Бета” телеканали унинг сўзларидан иқтибос келтирган.

“Сербиянинг Евроиттифоққа кириши муҳим масала, лекин бу Россия билан муносабатларда баҳсли жиҳатга сабаб бўлолмайди”, деди Дачич.  

Эслатиб ўтамиз, Брюссел маъмурияти бир неча бор Сербияни Россияга нисбатан Евроиттифоқ сиёсатига қўшилишга чақирган.