Усмон Сонко бошчилигидаги “Юви Аскан Ви” (Халқни озод қилиш) мухолифат партияси 56 ўринни, яна бир иттифоқчи “Валлу Сенегал” эса 24 ўринни қўлга киритди. Бу ҳақда “Anadolu” ахборот агентлиги хабар берди.

Сенегал Президенти Макки Саллнинг ҳукмрон коалицияси Республикачилар альянси (АПР) мамлакатда 31 июль куни бўлиб ўтган умумий сайловда Миллий ассамблеядаги мутлақ кўпчиликни бой берди.

Овозсанаш миллий комиссияси раиси Али Ба ўз баёнотида АПР парламентдаги 165 ўриндан 82 тасини қўлга киритганини айтди.

Қолган 3 та ўрин кичик коалицияга насиб этди. Баҳсли масала бўйича партиялар Конституциявий кенгашга мурожаат қилиши мумкин. Якуний натижа келаси ҳафта охиригача эълон қилинади.

Муҳаррама Пирматова, ЎзА