Африка ұлттар кубогының финалында Марокко мен Сенегал құрамалары чемпиондық атақ үшін таласты.

Ойынның негізгі уақыты жанжалмен аяқталды. 90+3-минутта бас төреші Сенегалдың соққан голын шабуыл кезіндегі өрескелдікке байланысты есепке алмады. Арада бірнеше минут өткен соң төреші сенегалдықтардың қақпасына пенальти белгіледі. Бұл шешімге наразы болған Сенегал футболшылары алаңнан кетіп қалды. Алайда көп ұзамай олар қайта оралып, пенальти орындалды. Браим Диастың әлсіз әрі қақпаның дәл ортасына бағытталған соққысын Эдуар Менди оңай қайтарды.

Қосымша уақытта (94-минутта) Папе Гуйе қарсыластар қақпасына гол соғып, Сенегал құрамасына жеңіс әкелді.

Осылайша Сенегал өз тарихында екінші рет Африка ұлттар кубогын жеңіп алды. Бұған дейін чемпиондыққа 2021 жылы жеткен.