Өзбекстан Республикасы Олий Мажлиси Сенатының Төрағасы Танзила Нарбаева Мысыр Араб Республикасы Парламенті Сенаты Төрағасының орынбасары Фиби Фавзи Гиргиспен кездесті.

Сұхбат барысында Өзбекстан мен Мысыр арасындағы кең ауқымды ынтымақтастық, сауда-экономика, мәдени-гуманитарлық және парламентаралық байланыстарды одан әрі нығайту мәселелері талқыланды.

Кездесуде тараптар форумда көтерілген мәселелер бойынша, атап айтқанда, әйелдердің экономикалық мүмкіндіктерін кеңейту және инновациялық қызметке қатысу мәселелері бойынша тәжірибе алмасу қажеттігін атап өтті.

Әсіресе, ауылдағы әйелдерді қолдаудың маңыздылығы айтылды.           

Сондай-ақ денсаулық сақтау, ғылым және білім салаларындағы бірлескен жобаларды жүзеге асыруда парламенттердің мүмкіндіктерін пайдалану келісілді.