Олий Мажлис Сенатының Төрағасы Танзила Нарбаева Өзбекстанда жұмыс сапарымен жүрген Халықаралық еңбек ұйымының (ХЕҰ) Бас директоры Жилбер Унгбомен кездесу өткізді.

Сенат мәліметінше, Ж. Унгбо ХЕҰ-ның Өзбекстанмен тиімді ынтымақтастығын жоғары бағалап, елді ұйымның Әкімшілік кеңесінің мүшесі болып сайлануымен құттықтады, сондай-ақ Президент Шавкат Мирзиёевтің күшті саяси ерік-жігері арқасында Өзбекстан үлкен жетістіктерге жеткенін ерекше атап өтті.

Өзбекстанда лайықты еңбек бойынша 2021-2025 жылдарға арналған мемлекеттік бағдарлама аясында атқарылып жатқан жұмыстардың нәтижесі әлемнің көптеген елдеріне үлгі болатыны айтылды.

ХЕҰ-ның 112-сессиясында белгіленген міндеттер мен Тұрақты даму мақсаттарының басымдықтары негізінде 2026-2030 жылдарға арналған Лайықты еңбек бағдарламасы жобасын әзірлеу бойынша пікір алмасылды.

Сұхбат соңында гендерлік алшақтықты азайту және еңбек саласындағы кемсітушілікке қарсы тұру, мүгедектерді жұмыспен қамтамасыз ету, олар үшін қолайлы және лайықты жағдай жасау бойынша ынтымақтастықты одан әрі дамытуға келісілді.