Сенат Төрағасы Танзила Нарбаева бастаған Өзбекстан парламенті делегациясы жұмыс сапарымен Венгрияға барды. Сапар бағдарламасына сәйкес Сенат Төрағасы Венгрия Президенті және Ұлттық Ассамблея спикерімен кездесулер өткізеді.

Өзбекстан Сенаты мен Венгрия Ұлттық Ассамблеясы арасындағы ынтымақтастық жөніндегі өзара түсіністік туралы меморандумға қол қойылады деп күтілуде.

Сапар барысында Өзбекстан парламент делегациясы Будапешттегі Батырлар алаңына барды.

Сенат Төрағасы Т. Нарбаева Батырлар алаңындағы Белгісіз жауынгер ескерткішіне гүл қойып, Венгрия халқының бостандығы үшін күрескен қорғаушыларының рухына құрмет көрсетті.

Айта кету керек, аталған ескерткіш – Отан қорғаушылардың мәңгілік рухына құрмет белгісі ретінде орнатылған үлкен тастан жасалған кенотаф.

Бұл ескерткіш алғаш 1929 жылы Бірінші дүниежүзілік соғыс құрбандарын еске алу мақсатында тұрғызылған. 1956 жылы мүсінші Бейла Гебхардттың жобасы негізінде қайта қалпына келтірілген, ал қазіргі келбеті 2001 жылдың 20 тамызында Андраш Силади жасаған нұсқа бойынша ашылған.

Сенат Төрағасы Құрметті қонақтар кітабына естелік жазба қалдырды.