Ҳурматли олимпиада иштирокчилари!
Мен барча спортчиларни, мураббийларни, Токиодаги ХХХII ёзги Олимпия ўйинларида ҳамюртларимизни муносиб ўйин кўрсатишга ҳаракат қилган барчани ушбу ғалабалар билан табриклайман!
Ўзбекистон умумжамоа ҳисобида 3 та олтин, 2 та бронза медалини қўлга киритиб, Марказий Осиё давлатлари орасида пешқадам, туркийзабон ва ислом давлатлари ўртасида етакчи ўринни эгаллади. Мамлакатимиз спортчилари МДҲ давлатлари орасида муносиб иккинчи ўринга лойиқ деб топилди. Осиё давлатлари бўйича бешинчи ўрин насиб этди. 2020 йилги Олимпия ўйинларида иштирок этган давлатлар орасида 32 - ўринни эгаллашга муваффақ бўлдик. Бу улкан натижа!
Олимпиадачиларимизнинг исмлари, уларнинг ғалаба ва рекордлари жаҳон спорти йилномасига олтин ҳарфлар билан ёзиладиган бўлди. Таэквондочи Улуғбек Рашидов, оғир атлетикачи Акбар Жўраев ва бокс бўйича Баҳодир Жалоловнинг узоқ кутилган олтин медалларни қўлга киритганини алоҳида қайд этмоқчиман. Дзюдочи Давлат Бобонов ва курашчи Бекзод Абдураҳмонов жамоа кўрсаткичларини бронза медаллари билан тўлдиришди.
Айниқса, қизларимизнинг ҳам рекорд натижаларни қайд этганлиги мени жуда хурсанд қилди. Муаттар Набиева бутун дунё ва Ўзбекистон тарихига биринчи оғир атлетикачи аёл сифатида кириб, Олимпия рекордини ўрнатди.
Гимнастика бўйича вакилимиз Оксана Чусовитина олимпиада ўйинлари тарихида саккизинчи бор иштирок этиб, рекордни янгилади. Велосипедчи Олга Забелинскаяни ҳам алоҳида таъкидлаш лозим, у Ўзбекистон велоспорти тарихида Олимпия ўйинларида мамлакат шарафини ҳимоя қилган биринчи аёл бўлди. Натижада у кучли ўнталикка кириб, Осиё мамлакатлари вакиллари орасида биринчи бўлди.
Бу спортчиларга қараб, бугун ҳар бирингиз ўз олдингизга аниқ мақсад қўйиб, унга эришиш учун барча имкониятларга эга эканлигингизни тушуниш мумкин!
Ҳурматли олимпиячилар! Бугун сиз ҳаммамиз фахрланадиган ҳақиқий қаҳрамонларсиз. Сизларга сиҳат-саломатлик, куч-қувват ва барча ҳаракатларингизда максимал натижаларга эришишингизни тилайман!
Биз эса ҳар доим сизни турли арена ва спорт майдонларида олқишлаб, қўллаб-қувватлашга тайёрмиз!