O‘zbekiston  Respublikasi Oliy Majlisi Senati  raisi Tanzila Norboyeva hududlarda olib borilayotgan iqtisodiy-ijtimoiy islohotlar, aholi, xususan, ayollar va yoshlarning sport bilan shug‘ullanishi uchun yaratilgan sharoitlar hamda mahalliy  Kengashlar faoliyati bilan yaqindan tanishish maqsadida Sirdaryo viloyatining Boyovut tumanida bo‘ldi.

Tanzila  Norboyeva  Boyovut  tumani hokimi,senator Dilfuza Uralova hamrohligida  tumandagi Uchturgon  mahallasida joylashgan 1-sonli sport  maktabiga bordi.Maktabda yoshlarning sport bilan shug‘ullanishi uchun yaratilgan  sharoitlar, sport bo‘limlarining faoliyati, mashg‘ulotlar jadvali bilan tanishib, sportchi  va murabbiylar bilan uchrashdi. 

Senat raisi  tuman hokimligida  Prezidentimizning joriy yil  2 fevraldagi “Mahalliy davlat hokimiyati vakillik organlarining faoliyati samaradorligini yanada oshirish  chora-tadbirlari to‘g‘risida”gi farmonining  mazmun-mohiyati, farmonda belgilangan  asosiy vazifalar ijrosi yuzasidan hududdagi deputatlar bilan ochiq, samimiy muloqot qildi. 

Sh.Suyarov, O‘zA muxbiri