Ташкент қаласында өткен Орталық Азия елдерінің жетекші әйелдері диалогы аясында Өзбекстан Олий Мажлис Сенатының төрағасы Танзила Нарбаева халықаралық серіктестермен және көрші мемлекеттер парламенттерінің өкілдерімен бірқатар кездесулер өткізді.

БҰҰ-ның Еуропа және Орталық Азия бойынша даму мәселелерін үйлестіру басқармасының өңірлік директоры Гви-Йеоп Сон ханыммен өткен әңгіме барысында Өзбекстан мен БҰҰ жүйесіндегі ұйымдар арасындағы ынтымақтастықтың келешегі, Тұрақты даму мақсаттары аясында жүзеге асырылып жатқан жобалар және олардың әлеуметтік-экономикалық реформаларға қосып жатқан үлесі жайлы пікір алмасылды.

Г.Сон ханым Самарқандта өтіп жатқан ЮНЕСКО-ның 43-сессиясы Жаңа Өзбекстанда жүргізіліп жатқан кең ауқымды реформаларға халықаралық қауымдастықтың жоғары сенім білдіруінің көрінісі екенін атап өтті.

Қырғыз Республикасының Жогорку Кенеш Төрағасының орынбасары Ж.Садирбаева, Тәжікстан Мәжлиси Оли намояндагон төрағасының орынбасары М.Муини, Қазақстан Парламенті Мәжілісі төрағасының орынбасары Д.Еспаева және Түркіменстан Межлис комитеті төрайымы Б.Мирадова қатысқан кездесулерде достыққа негізделген көршілестік, өзара сенім мен стратегиялық ынтымақтастық қатынастарының дәйекті түрде дамып келе жатқаны атап өтілді. Бұл үдерісте жетекші әйелдердің белсенді қатысуы, олардың құқықтары мен мүдделерін қорғау, сондай-ақ қоғамдағы әйелдердің әлеуметтік-саяси рөлін нығайтуға бағытталған реформалардың маңызы ерекше екені де айтылды.

Сондай-ақ өңірлер арасындағы сауда-экономикалық байланыстарды жандандыру, өнеркәсіп, энергетика, өндіріс және әлеуметтік-гуманитарлық бағыттардағы бірлескен жобаларды кеңейту мәселелері талқыланды.

Кездесу қатысушылары Орталық Азия елдерінің жетекші әйелдері диалогы аймақтық ынтымақтастықты нығайтуға, әйелдердің белсенділігін арттыруға және тұрақты даму мақсаттарына қол жеткізуге қызмет ететін маңызды алаң екендігін атап өтті.

суреттерді түсірген Н.Хайдаров, ӨзА