Шу кунларда республикамизнинг Қашқадарё, Самарқанд ва Жиззах вилоятларида сел-сув тошқинлари юзага келди. Республика Фавқулодда вазиятлар вазирлиги томонидан ўтказилган брифингда тақдим этилган маълумотларга кўра кўчки хавфи мавжуд бўлган ҳудуддан фуқаролар вақтинчалик хавфсиз жойларга кўчирилган. Мутасадди ташкилотлар билан биргаликда республикадаги 48 та сув омбори, 11 та сел-сув омбори ва йирик гидротехник иншоотларнинг фавқулодда вазиятларга шайлиги ҳамда сел оқимлари ва тошқин сувларини беталофат ўтказиб юборишга тайёргарлик ҳолати ўрганиб чиқилган.

Тошқинлар, сел оқимлари ва кўчки ҳодисаларининг оқибатларини бартараф этиш мақсадида 218 та механизациялаштирилган отрядлар кўрикдан ўтказилди. Брифингда Фавқулодда вазиятлар вазирлиги мутахассислари фуқароларни тоғ ва тоғолди ҳудудларда хавфсизлик қоидаларига риоя қилишларини, сел ва кўчки хавфи мавжуд ҳудудларда аҳолининг дам олишини ҳамда бундай жойларда чорва молларини боқмасликни, сел йўлларида ўзбошимчалик билан ноқонуний қўрилиш қилмасликларини сўраб мурожаат қилди.  

<iframe width="650" height="420" src="https://www.youtube.com/embed/Od_-7qwNAJ4" title="Sel-suv toshqinlariga FVV tayyormidi?" frameborder="0" allow="accelerometer; autoplay; clipboard-write; encrypted-media; gyroscope; picture-in-picture; web-share" referrerpolicy="strict-origin-when-cross-origin" allowfullscreen></iframe>

Санжар Тошпўлатов, Нишонбой Абдувойитов, ЎзА